काठमाडौं
।
औद्योगिक क्षेत्रका भौतिक संरचना प्रयोग गरेबापत उद्योगीहरूले राज्यकोषमा ४६ करोड
रुपैयाँभन्दा बढी महसुल बुझाएका छन्।
औद्योगिक क्षेत्र
व्यवस्थापन लिमिटेडका अनुसार गत असार मसान्तसम्म देशका विभिन्न १० वटा औद्योगिक
क्षेत्रमा सञ्चालनमा रहेका उद्योगबाट ४६ करोड ८६ लाख रुपैयाँ महसुल दाखिला भएको
हो।
लामो समयदेखि बाँकी
रहेको महसुल असुलीका लागि व्यवस्थापन लिमिटेडले ताकेता गर्दै आएको थियो। देशभरका
औद्योगिक क्षेत्रमा रहेका ३०० भन्दा बढी उद्योगको करिब ८८ करोड रुपैयाँ
बक्यौता रहेको जनाइएको छ।
औद्योगिक क्षेत्र
व्यवस्थापन लिमिटेडका सूचना अधिकारी वासुदेव सोडारीका अनुसार बक्यौता नतिर्ने १०
वटा उद्योगको विद्युत् लाइन काटिएको छ।
उनका अनुसार कन्टिनेन्टल
ग्रुपअन्तर्गतका दुई उद्योगले मात्रै करिब ४ करोड रुपैयाँ महसुल बुझाउन बाँकी रहेको छ।
बक्यौता असुलीलाई तीव्र बनाउँदै बाँकी उद्योगलाई पनि नियमित
भुक्तानीका लागि दबाब दिइने लिमिटेडले जनाएको छ।
