काठमाडौं। नेपाली क्रिकेट टोलीले घरेलु मैदानमा भारतको ‘ए’ टोलीसँग प्रतिस्पर्धा गर्ने भएको छ। नेपाल र भारत ‘ए’ बीच त्रिभुवन विश्वविद्यालय क्रिकेट मैदान, कीर्तिपुरमा तीन खेलको टी–२० शृङ्खला आयोजना हुने भएको हो।
नेपाली क्रिकेट संघ (क्यान)का अनुसार आगामी डिसेम्बर ९ देखि १३ तारिखसम्म शृङ्खला सञ्चालन हुनेछ। सिरिजअन्तर्गत पहिलो खेल डिसेम्बर ९, दोस्रो खेल डिसेम्बर ११ र तेस्रो खेल डिसेम्बर १३ मा खेलाइनेछ।
स्कटल्यान्डमा सम्पन्न आईसीसी सम्मेलनका क्रममा क्यान अध्यक्ष चतुरबहादुर चन्द, सचिव पारस खड्का र भारतीय क्रिकेट नियन्त्रण बोर्ड (बीसीसीआई)का सचिव देवजित सैकियाबीच भएको छलफलपछि नेपाल–भारत ‘ए’ बीचको शृङ्खला तय भएको क्यानले जनाएको छ।
भारत ‘ए’ जस्तो बलियो टोलीसँग घरेलु मैदानमा खेल्न पाउनु नेपाली खेलाडीका लागि महत्वपूर्ण अवसर हुने अपेक्षा गरिएको छ। यस शृङ्खलाले नेपाली टोलीलाई उच्चस्तरीय प्रतिस्पर्धाको अनुभव दिलाउनुका साथै आगामी अन्तर्राष्ट्रिय प्रतियोगिताका लागि तयारी गर्न सहयोग पुग्ने विश्वास गरिएको छ।
कीर्तिपुरमा हुने यस शृङ्खलाले नेपाली क्रिकेट समर्थकलाई पनि लामो समयपछि घरेलु मैदानमा स्तरीय प्रतिस्पर्धा हेर्ने अवसर प्रदान गर्नेछ।
स्कटल्यान्डमा सम्पन्न आईसीसी सम्मेलनका क्रममा क्यान अध्यक्ष चतुरबहादुर चन्द, सचिव पारस खड्का र भारतीय क्रिकेट नियन्त्रण बोर्ड (बीसीसीआई)का सचिव देवजित सैकियाबीच भएको छलफलपछि नेपाल–भारत ‘ए’ बीचको शृङ्खला तय भएको क्यानले जनाएको छ।
भारत ‘ए’ जस्तो बलियो टोलीसँग घरेलु मैदानमा खेल्न पाउनु नेपाली खेलाडीका लागि महत्वपूर्ण अवसर हुने अपेक्षा गरिएको छ। यस शृङ्खलाले नेपाली टोलीलाई उच्चस्तरीय प्रतिस्पर्धाको अनुभव दिलाउनुका साथै आगामी अन्तर्राष्ट्रिय प्रतियोगिताका लागि तयारी गर्न सहयोग पुग्ने विश्वास गरिएको छ।
कीर्तिपुरमा हुने यस शृङ्खलाले नेपाली क्रिकेट समर्थकलाई पनि लामो समयपछि घरेलु मैदानमा स्तरीय प्रतिस्पर्धा हेर्ने अवसर प्रदान गर्नेछ।
