तेह्रथुमको
लालीगुराँस नगरपालिकाले आर्थिक वर्ष २०८२÷८३ का लागि ५१ करोड
रुपैयाँभन्दा बढीको बजेट पारित गरेको छ। असार ८ गते सम्पन्न १६औँ नगरसभाले नीति तथा कार्यक्रम, विनियोजन विधेयक र आर्थिक विधेयक सर्वसम्मत रूपमा पारित
गरेको हो।
नगरप्रमुख अर्जुन
माबोहाङको अध्यक्षतामा सम्पन्न अधिवेशनमा समावेशी विकास, आधारभूत पूर्वाधार विस्तार, शिक्षा, स्वास्थ्य, कृषि, पर्यटन, सामाजिक उत्थान तथा
सुशासनलाई प्राथमिकता दिइने नीति प्रस्तुत गरिएको थियो।
प्रमुख प्रशासकीय
अधिकृत सन्तोष घिमिरेका अनुसार नगरपालिकाले ५१ करोड २ लाख ५७ हजार ८ रुपैयाँको
आय–व्यय विवरणसहितको बजेट पारित गरेको हो। बजेट निर्माणका क्रममा जनप्रतिनिधिहरूको
सुझाव, स्थानीय आवश्यकता र नगरको दीर्घकालीन रणनीतिलाई
आधार बनाइएको बताइएको छ।
नगरसभामा
उपप्रमुख, वडाध्यक्षहरू, कार्यपालिका
सदस्यहरू लगायतको सक्रिय सहभागिता रहेको थियो। अधिवेशन लालीगुराँस नगरपालिकाको
सभाहल, बसन्तपुरमा आयोजना गरिएको हो।
आगामी वर्षलाई
समावेशी, सक्षम र उत्तरदायी बनाउने उद्देश्य सहित नीति तथा कार्यक्रम ल्याइएको उल्लेख गर्दै, कार्यान्वयनमा कुनै सम्झौता नगरिने नगरप्रमुख माबोहाङले बताउनु भयो ।
